sajak Arom Hidayat
dimuat di Harian Kabar Priangan, 23 Pebruari 2011
Léngkah-léngkah dadamaran, maruru puseur purnama
Satengahing hibar langit, wanci nitih ramang-ramang
Bet sasalad angin rintih marengan bangun mustari hiliwirna
Basa sapu panyaraan sabeungkeutan nu paregat jeung urat-urat duriat
Di muara pananggalan nu jejem, urang pengkuh nepungkeun kangen
Dina liliuh leuwi pangreureuhan satutas lantis ngaguyangan gulinggasahannana jaman nu mingkin rumanteng ngaremetan angen-angen
Na kasang nu remen murag-muragkeun kalangkang sabada késang maluguran
Ngaleuleueur ramat kamalé sorangeun nu anteng cungkelik-cungkedang
Rep, sidakep sinduku tunggal. Reup saniskara indra mareteng nareuleuman dadasar leuwi
Mapat jampé rahayuning karahayuan, mepet simpé lebah rusiah istirah cai. Cai wening, cai meuting
Sir, budi, cipta, rasa. Gumulun. Na hiji titik widi asih pangersa Gusti
(jempling)
Bray, bruy-bray kadi bulan kadi béntang gumiwang murub mubyar cahaya ngalang cahaya, asihan raga asahan rasa, sab isuk angger rucuk jeung pitapak
Hégarmanah, 2011
dimuat di Harian Kabar Priangan, 23 Pebruari 2011
Léngkah-léngkah dadamaran, maruru puseur purnama
Satengahing hibar langit, wanci nitih ramang-ramang
Bet sasalad angin rintih marengan bangun mustari hiliwirna
Basa sapu panyaraan sabeungkeutan nu paregat jeung urat-urat duriat
Di muara pananggalan nu jejem, urang pengkuh nepungkeun kangen
Dina liliuh leuwi pangreureuhan satutas lantis ngaguyangan gulinggasahannana jaman nu mingkin rumanteng ngaremetan angen-angen
Na kasang nu remen murag-muragkeun kalangkang sabada késang maluguran
Ngaleuleueur ramat kamalé sorangeun nu anteng cungkelik-cungkedang
Rep, sidakep sinduku tunggal. Reup saniskara indra mareteng nareuleuman dadasar leuwi
Mapat jampé rahayuning karahayuan, mepet simpé lebah rusiah istirah cai. Cai wening, cai meuting
Sir, budi, cipta, rasa. Gumulun. Na hiji titik widi asih pangersa Gusti
(jempling)
Bray, bruy-bray kadi bulan kadi béntang gumiwang murub mubyar cahaya ngalang cahaya, asihan raga asahan rasa, sab isuk angger rucuk jeung pitapak
Hégarmanah, 2011
Posting Komentar