kez sukezz
Pameunteu wening galih nu kalimpudan halimun peteng
mawa baha kana jiwa nu marudah baruntak rasa..

Metakeun eusi kadalon-dalon meupeus keuyang
mawa tunggara nalangsara batin kingkin..

Gulinggasahan nganteur ketak amarah kaberung napsu
ngagedur hurung molah ajén nyupataan diri..

Ringkang kumalungkung katalanjuran
teu kaur ngeleketey haté tan kamarasan bacacar rasa..

Alum nguluwut patamanan ati alatan karaman kanceuh
ngurasan nu tumuluy nguluntung sukma..
0 Responses

Posting Komentar